Policia greke ka arrestuar deputetin e pavarur grek, Konstantinos Floros.
Konstantinos Floros, gjatë seancës së sotme plenare, goditi me grusht deputetin e partisë Zgjidhja greke, Vassilis Grammenos në korridorin e Kuvendit, pasi ky i fundit e kishte sharë gjatë debatit në seancë.
Pas debateve në seancë, Vassilis Grammenos i tha deputetit të pavarur “Do të të q* nënën do të të çoj në burg me byzylykë” dhe Konstantinos Floro i është përgjigjur “dil dhe më thuaj”.
Një konfrotim fizik ka ndodhur midis dy deputetëve pas debateve, ku Konstantinos Floros ka kapur Vassilis Grammenos prej jake, duke e goditur me grusht.
Ndërkohë, kryetari i Kuvendit, Konstantinos Tasoulas , deklaroi se neni 157 i Kodit Penal parashikon se kushdo që kryen dhunë ndaj një deputeti dënohet me burgim deri në 10 vjet.
Ai theksoi se imuniteti parlamentar mbulon kundërvajtjet, por jo veprat penale, ndaj mund të akuzohet.
Sipas Protothema, sherri vjen si pasojë e një grindjeje mes anëtarëve të partisë Zgjidhja greke, dhe Konstantinos Floros.
Mësohet se në seancën plenare të Kuvendit u diskutua kërkesa për heqjen e imunitetit të Kyriakos Velopulos pas një padie të babait të deputetit Floros për llogari anonime në Tëitter, që kishin fyer atë.
Raportohet se kur përfaqësuesi i Zgjidhjes greke, Chitas deklaroi se është pro heqjes së imunitetit edhe pse Velopoulos nuk ka lidhje me padinë, Floros u hodh dhe tha se kjo do të vendoset nga Gjykata, duke nxhehur debatin mes tyre.
