Parandalohet krimin në familje. Sipas policisë së Kukësit në pranga ka përfunduar një 79-vjeçar. I moshuari jo vetëm ka ushtruar dhunë psikologjike ndaj familjarëve të tij dhe nipit, por ka marrë dhe çifte dhe i ka kanosur. Më pas ai ka hedhur benzinë në shtëpi dhe ka tentuar t’i vërë zjarrin.
“Arrestimi i tij u bë pasi, në banesë, për motive të dobëta, ka shkatërruar orenditë e banesës, ka ushtruar dhunë psikologjike ndaj familjarëve dhe nipit dhe më pas i ka kanosur me armë gjahu (çifte), si dhe ka tentuar të djegë shtëpinë me benzinë, por falë njoftimit në kohë të policisë dhe mbërritjes menjëherë në vendngjarje të inspektorit të Policisë së Zonës, i cili në bashkëpunim me familjarët i kanë marrë çiften dhe shishen e benzinës shtetasit I.S. duke e vënë në pranga. Në cilësinë e provës materiale u sekuestrua arma e gjahut (çifte), disa fishekë, një shishe benzinë dhe një çakmak”, njofton policia./ Opinion.al
