Një biznesmen i pasur rus është arrestuar në shtëpinë e tij në Londër nga oficerët që hetojnë aktivitetin e mundshëm kriminal nga oligarkët.
58-vjeçari u ndalua nga Agjencia Kombëtare e Krimit (NCA) të enjten nën dyshimin për vepra penale, që përfshijnë pastrim parash, komplot për të mashtruar Ministrinë e Brendshme dhe komplot për të kryer dëshmi të rreme.
Një 35-vjeçar, i cili punon në rezidencë, u arrestua aty pranë me dyshimin për pastrim parash dhe pengim të një oficeri, pasi u pa duke u larguar me një çantë me mijëra paund cash.
Ndërsa një 39-vjeçar u arrestua në shtëpinë e tij në Pimlico, Londër, për vepra që përfshijnë pastrim parash dhe komplot për mashtrim.
NCA tha se më shumë se 50 oficerë u përfshinë në operacionin në pronën shumë milionëshe të biznesmenit në Londër.
Të tre personat e arrestuar janë liruar me kusht.
