Albert Veliu i njohur ndryshe si Babalja është arrestuar në Belgjikë me qëllim ekstradimin në Shqipëri.
Lajmin e bën të ditur Ministria e Drejtësisë e cila njofton se pritet ekstradimi i tij në Shqipëri.
“Ky shtetas është arrestuar në Belgjikë me qëllim ekstradimin. Kërkesa ka shkuar dhe jemi në pritje të këtij ekstradimi. Prokuroria ka kërkuar shtyrje të seancës deri në mbërritje të Albert Veliut. Gjykata pranon kërkesën dhe seanca e radhës caktohet data 30 tetor, ora 13.30”-thuhet në shkresën e ministrisë së Drejtësisë.
Albert Veliu u largua nga Shqipëria vetëm pak kohë pasi u publikua audio-përgjimi, ku pretendohej se ishte i përfshirë Geron Xhafa, vëllai i ish-ministrit të Brendshëm, Fatmir Xhafaj, duke bërë pazare droge. Ky audio-përgjim u publikua nga Partia Demokratike, por i ishte dorëzuar nga gazetari Jetmir Oldashi.
Ndërkohë, Fredi Alizoti, presoni tjetër i përfshirë në këtë histori, ka akuzuar Ervin Salianjin, ish-deputin të PD, se i ka ofruar lekë për të përfshirë vëllain e ish-ministrin në çështje. /Opinion.al
