Policia e Lushnjes ka arrestuar ditën e sotme një 63-vjeçar, nën akuzën se ka kryer marrëdhënie seksuale me dhunë me të rritura.
Shtetasi L. T., 63 vjeç, dyshohet se ka kryer marrëdhënie seksuale me dhunë me një 24-vjeçare, e cila më pas ka bërë kallëzim në polici.
Sipas bluve, ngjarja dyshohet se ka ndodhur dy javë më parë.
63-vjeçari, banues në Barbullinjë, u arrestua me urdhër të Prokurorisë.
“Në vijim të njoftimit të dhënë më datë 10.05.2024, për referimin e materialeve në Prokurori, nga Komisariati i Policisë Lushnjë, për shtetasin L. T., 63 vjeç, pasi dyshohet se ka kryer marrëdhënie seksuale me dhunë me një 24-vjeçare, bëjmë me dije se:
Pas veprimeve hetimore të kryera në drejtimin e Prokurorisë, është ekzekutuar urdhri i prokurorit, për ndalimin e shtetasit L. T., 63 vjeç, banues në fshatin Barbullinjë, pasi Gjykata e Shkallës së Parë e Juridiksionit të Përgjithshëm Fier, me vendimin e datës 24.05.2024, i ka caktuar masën e sigurisë “Arrest në burg”.
Materialet procedurale shtesë i kaluan Prokurorisë, për veprën penale “Marrëdhënia seksuale me dhunë me të rritura”, thuhet në njoftimin e Policisë.
