Një 52-vjeçar i kërkuar nga Interpoli është arrestuar nga policia e Krujës me qëllim ekstradimin e tij në Itali.
Bert Seseri alias Albert Seseri është i dënuar për veprat penale “Organizatë kriminale” dhe Trafik i lëndëve narkotike”.
“Arrestimi i këtij shtetasi u bë pasi Gjykata e Apelit në Torino, Itali, e ka dënuar me 10 vjet e 4 muaj burgim nga të cilat i kanë mbetur për të kryer edhe 5 vjet, 6 muaj e 15 ditë burgim, për veprat penale “Organizatë kriminale” dhe “Trafik i lëndëve narkotike”, parashikuar nga Kodi Penal Italian. Interpol Tirana, në bashkëpunim me Interpol Romën, vijojnë procedurat për ekstradimin e këtij shtetasi drejtë Italisë”, njoftoi policia./Opinion.al
