Një 51-vjeçare në Fier është arrestuar nën akuzën e mashtrimit. Shprehja “vesi del me shpirtin” duket se vlen edhe për Liljana Llapashticën, banuese në Radostinë-Vadhizë, pasi ka qenë dënuar edhe më parë për “Mashtrim”.
Ndalimi i kësaj shtetases u bë pasi Prokuroria Pranë Gjykatës së Shkallës së Parë Fier në datë 08.06.2018 ka nxjerrë Urdhër për ndalimin e saj, sepse në datë 30.04.2018 i ka marrë me anë të mashtrimit 7500 euro shtetasit A.I, 44 vjeç, banues në Patos.
Materialet i kaluan Prokurorisë pranë Gjykatës së Shkallës së Parë Fier për veprën penale “Mashtrimi” parashikuar nga Neni 143/2 i Kodit Penal.
