Një 41-vjeçar është arrestuar nga policia e Kolonjës pasi kishte ushtruar dhunë fizike ndaj bashkëjetueses së tij.
Shtetasi me iniciale E.Q. banues në fshatin e Rehovës në Kolonjë është denoncuar nga e dhunuara. Policia ka lëshuar urdhër mbrojtje ndaj viktimës menjëherë pas arrestimit.
Njoftimi i policisë:
Specialistët për Hetimin e Krimeve në Komisariatin e Policisë Kolonjë arrestuan në flagrancë shtetasin E. Q., 41 vjeç, banues në fshatin Rehovë, Kolonjë, për veprën penale “Dhuna në familje”, pasi në banesë dyshohet se ka ushtruar dhunë fizike ndaj bashkëjetueses së tij, për të cilën u plotësua kërkesë-padia për lëshimin e urdhrit të mbrojtjes së menjëhershme./Opinion.al
