Një 23-vjeçar është arrestuar nga policia, pasi nga hetimet rezultoi se në bashkëpunim me 2 vëllezërit e tij binjakë, mbanin në banesë, 2 armë zjarri dhe municion luftarak.
Policia bën me dije se i riu me inicialet, D. L., banues në fshatin Derven, Krujë u kap në Morinë në vijim të operacionit policor të koduar “Twins”, të zhvilluar më 23 shkurt.
Ai akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Nga hetimet ka rezultuar se shtetasi D. L., së bashku me 2 vëllezërit e tij binjakë, të arrestuar në kuadër të operacionit “Twins”, mbanin në banesë 1 armë zjarri automatik, 1 armë zjarri pushkë, 2 krehra automaktiku, municion luftarak dhe 1 bajonetë, të cilat u gjetën dhe u sekuestruan gjatë këtij operacioni.
Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.
