Policia e Vlorës ka parandaluar përshkallëzimin e një konflikti dhe ka arrestuar 19-vjeçar me iniciale G.B.
Policia u njoftua nga një 35-vjeçar banues në Vlorë, i cili tregoi se kanosej me armë nga i riu pas një konflikti për motive të dobëta mes tyre.
Policia ka ndërhyrë menjhëherë dhe pas kontrollit të ushtruar në banesën e të riut është gjetur një armë zjarri pistoletë dhe një dozë lënde narkotike e dyshuar e llojit Cannabis Sativa.
Materialet iu referuan Prokurorisë për veprat penale “Kanosja”, “Mbajtja pa leje dhe prodhimi i armëve, armëve shpërthyese dhe municioneve”, “Prodhimi dhe shitja e narkotikëve”./Opinion.al
