Një 18-vjeçar është vënë në prangat e Policisë së Shkodrës, pasi akuzohet se i armatosur ka grabitur një shumë parash në një dyqan në fshatin “Drisht”.
Policia bën me dije se është arrestuar i riu me iniciale A. C., banues në fshatin Bardhaj, Shkodër. 18-vjeçari dyshohet se në datën 2 Prill 2021 në fshatin Drishtë, në bashkëpunim me D. Sh., kanë vjedhur nën kërcënimin e armës një dyqan.
Po ashtu bëhet me dije se është shpallur në kërkim dhe bashkëpunëtori i 18-vjeçarit dhe po punohet për kapjen e tij. Materialet iu referuan Prokurorisë Pranë Gjykatës së Shkallës së Parë Shkodër për veprime të mëtejshme./Opinion.al
