Nje 18-vjecar është arrestuar nga policia, pasi ka refuzuar të paraqesë dokumentacionin e mjetit që drejtonte. Ai është ndaluar nga Forcat e Posaçme Operacionale në Patos, dhe pasi ka kundërshtuar dorëzimin e dokumentave është larguar me shpejtësi duke përplasur dy mjetë që ndodheshin në një lavazh. Sipas policise, ne pranga eshte vene shtetasi K. M., 18 vjeç, banues në Patos.
Njoftimi i policisë
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin: K. M., 18 vjeç, banues në Patos.
Në vëndin e quajtur “Kthesa e Patosit”, ky shtetas duke drejtuar automjetin tip “Lexus”, është ndaluar nga punonjësit e Forcës së Posaçme Operacionale dhe i ka kundërshtuar duke mos i dhënë dokumentacionin e mjetit të tij.
18-vjeçari është larguar me shpejtësi dhe ka goditur 2 mjete tip “Benz” dhe “Ford” të parkuara në një lavazho.
Materialet i kaluan Prokurorisë pranë Gjykatës së Shkallës së Parë Fier për veprën penale “Kundërshtimi i punonjësit të policisë së rendit publik”.
