Një vajzë 16 vjeçare është arrestuar nga policia franceze në Montpellier si e dyshuar për planifikimin e një sulmi kamikaz në Paris.
Ajo ishte një nga katër të dyshuarit që janë arrestuar mëngjesin e sotëm.
Agjentët e hetimeve kishin monitoruar kompjuterët e të arrestuarve për disa javë. Mendohet se ata janë identifikuar prej rrjeteve sociale.
Sipas burimeve në banesën e të arrestuarve është gjendur një laborator ku krijoheshin bomba si dhe lëndë të tjera shpërthyese.
16 vjeçarja jetonte me të dashurin, 21 vjeç dhe dy të tjerë.
Kujtojmë se Francë është ende nën ‘ethet’ e sulmeve terroriste që kanë goditur vendin gjatë këtyre dy viteve të fundit./ opinion.al
