Tre persona janë arrestuar nga policia pasi ishin shpallur në kërkim pasi kundërshtuan forcat e policisë.
Mbi tre të arrestuarit rëndojnë akuzat “Plagosja e lehtë me dashje e kryer në bashkëpunim”, “Kundërshtimi i punonjësit të Policisë së Rendit Publik” dhe “Goditjet për shkak të detyrës”.
Mësohet se në pranga kanë rënë Elson Koldashi., 24 vjeç, Festim Tanushi, 23 vjeç dhe Ardjan Hamzaj., 29 vjeç, të tre banues në Kamëz.
Tre persona e arrestuar më datë 05.07.2019, rreth orës 01.30 të mëngjesit pas një denoncimi për zhurmë në një lokal ata në bashkëpunim me njëri – tjetrin, kanë kundërshtuar me dhunë punonjësit e Patrullës së Përgjithshme, për t’i penguar në mbylljen e lokalit.
Njoftimi i policisë
Kundërshtuan me dhunë patrullën e Policisë të Komisariatit Nr. 5 dhe u larguan, por bien në pranga pas disa ditë kërkimesh nga Policia.
Kapen dhe ndalohen 3 shtetas të cilët ishin shpallur në kërkim për veprat penale “Plagosja e lehtë me dashje e kryer në bashkëpunim”, “Kundërshtimi i punonjësit të Policisë së Rendit Publik” dhe “Goditjet për shkak të detyrës”.
Pas një pune operative policore të strukturave të Hetimit të Krimeve në Komisariatin e Policisë Nr.5 Tiranë, u bë e mundur gjetja e vendndodhjes së personave të shpallur në kërkim policor.
Specialistët për Hetimin e Krimeve në Komisariatin e Policisë Nr. 5, në bashkëpunim me Prokurorinë e Gjykatës së Shkallës së Parë Tiranë, bënë ndalimin e shtetasve:
- K., 24 vjeç, banues në Kamëz
- T., 23 vjeç, banues në Kamëz
- H., 29 vjeç, banues në Kamëz
Këta persona ishin shpallur në kërkim, sepse në datën 05.07.2019, rreth orës 01.30 të mëngjesit ka ardhur një telefonatë për zhurmë në një lokal. Menjëherë ka shkuar aty Patrulla e Përgjithshme e Policisë, për të mbyllur lokalin.
Shtetasit e lartpërmendur që ndodheshin brenda, në bashkëpunim me njëri – tjetrin, kanë kundërshtuar me dhunë punonjësit e Patrullës së Përgjithshme, për t’i penguar në kryerjen e detyrës.
Materialet në ngarkim të këtyre shtetasve u referuan në Prokurorinë e Rrethit Gjyqësor Tiranë për veprime të mëtejshme./ Opinion.al E.Xh.
