Autoritet lokale të Pakistanit bëjnë më dije se disa persona janë arrestuar pasi dyshohen të kenë lidhje me shpërthimin vetëvrasës të së hënës në një xhami në qytetin verior të Pakistanit, Peshawar, që vrau më shumë se 100 njerëz.
Shefi i policisë së Peshawarit, Mohammad Aijaz Khan ka thënë se më shumë arrestime do të ndodhin pas një hetimi të madh policor për sulmin që plagosi 217 persona të tjerë.
Autoritetet po hetojnë gjithashtu se si sulmuesi hyri në xhami, shtoi Khan. Familjet që jetojnë në kompleksin ku ndodhet xhamia po merren në pyetje pasi policia nuk mund të përjashtojë që sulmuesi mund të jetë ndihmuar nga dikush brenda vendit./Opinion.al
