Plani i masave për kapjen e personave që qarkullojnë me armë zjarri ka bërë që gjatë 24 orëve të fundit të bien në pranga dy persona me banim në Tiranë.
Forcat “Shqiponja”, në bashkëpunim me Komisariatin nr.3 në Tiranë, arrestuan 23 vjeçarin A.D. në rrugën “Dervish Hatixhe” , të cilit iu sekuestrua një pistoletë Glock dhe 15 fishekë.
Gjithashtu uniformat blu të Komisariatit nr.4 në Tiranë parandaluan një rast dhune në familje dhe arrestuan shtetasin B.F. pas njoftimit se ushtronte dhunë psikologjike dhe fizike ndaj bashkëshortes. Gjatë kontrollit të kryer në banesën e tij policia gjeti një pistoletë me mulli. /Opinion.al
