Policia e Tiranë ka arrestuar dy shtetas të shpallur në kërkim ndërkombëtar për veprat penale “Shkelja e ligjit mbi drogat” dhe “Trafik narkotikësh”.
Në bazë të informacioneve të siguruara në rrugë policore, është bërë kapja dhe arrestimi provizor, me qëllim ekstradimin drejt Italisë, të shtetasit:
-Bledar Bedini (Imami), 51 vjeç, banues në Tiranë, të cilin Gjykata e Apelit Milano e ka dënuar me 7 vjet burg, për veprën penale “Trafik narkotikësh”.
Gjithashtu, është bërë i mundur lokalizimi, kapja dhe arrestimi provizor, me qëllim ekstradimi drejt Zvicrës, i shtetasit:
Alessandro Amorosi, 34 vjeç, banues në Itali.
Ky shtetas ishte shpallur në kërkim ndërkombëtar, pasi autoritetet gjyqësore në Solothurn, Zvicër, kanë lëshuar urdhër arresti ndërkombëtar, për veprën penale “Shkelja e ligjit mbi drogat”, parashikuar nga Kodi Penal i Zvicrës.
Interpol Tirana, në bashkëpunim me autoritetet ligjzbatuese italiane dhe zvicerane, vijon procedurat për ekstradimin e këtyre shtetasve./Opinion.al
