Tre shqiptarë janë arrestuar në Itali, pasi akuzohen se janë pjesë e një bande kriminale përgjegjëse për 66 grabitje në shtetin fqinj, me një vlerë që llogaritet rreth 2 milionë euro.
Tre shqiptarët ishin “të specializuar” në grabitje vilash dhe banesash në verilindje të vendit, ku ndër sendet e vjedhura përfshihen bizhuteri, ora dhe ar.
Policia italiane gjithashtu zbuloi se një pjesë e mirë e parave transferoheshin në Shqipëri ku investoheshin dhe ricikloheshin.
Grabitjet kanë nisur në dhjetor të 2018-ës. Të arrestuarve u janë gjetur pistoleta dhe municione, dhe sipas policisë ata po përgatiteshin për grabitje të tjera në zonë./Opinion.al
