Efektivët e policisë në Bolzano zbuluan për një automjet të vjedhur dhe kështu vendosën ndjekjen. Pas një farë kohe, dy personat braktisën automjetin dhe tentuan të largoheshin në këmbë.
Pas një ndjekje të shkurtër, gjatë së cilës dy personat tentuan të hiqnin qafe disa pasaporta dhe karta identiteti, u arrestuan.
Pas verifikimeve u zbulua se një nga të arrestuarit ishte Indrit Caka, një shqiptar i kërkuar për disa krime në Itali.
Personi tjetër ishte një djalë i mitur shqiptar. Policia gjeti në automjet një laptop, disa kamera, kaçavida, doreza për kryerjen e grabitjeve.
Sipas mediave të shtetit fqinjë, Indrit Caka është dërguar në burg, ndërsa i mituri shqiptar është lënë i lirë.
