Policia kufitare greke ka sekuestruar 26 kilogramë lëndë narkotike kanabis pranë kufirit me Shqipërinë, në Kapshticë.
Autoritetet greke kontrolluan një banesë në pronësi të një shtetasi grek, aty ku u gjetën 27 pako me kanabis me peshë totale 26.2 kilogramë.
Nga hetimet rezulton se këtë sasi droge e kanë futur në Greqi dy shtetas shqiptarë ditën e djeshme në orët e para të mëngjesit përmes një automjeti dhe më pas e kanë çuar në banesën e grekut 36 vjeçar.
Mjeti i transportit u gjet në Follorinë dhe brenda tij shoferi dhe pasagjeri, shqiptarë të moshës 32 dhe 37 vjeç. Brenda në mjet kishte vende të improvizuara për transportin e drogës.
