Policia italiane e Astit ka vënë në pranga një grua dhe një burrë shqiptar ditët e fundit në Piazza Alfieri dhe rruga Fontana.
Gruaja me origjinë shqiptare, 45 vjeç u ndalua nga efektivët pasi kishte vjedhur në treg të paktën katër peshqire, veshje dhe ushqime të ndryshme.
Një nga tregtarët e ka vënë re atë dhe menjëherë lajmëroi policinë të cilët e ndaluan shqiptaren pak më larg tregut.
Mallrat e vjedhura ajo i kishte fshehur brenda një qeseje që iu gjet në dorë nga policia. Episodi tjetër ka ndodhur në rrugen Fontana, ku protagonist është bërë një i ri 19 vjeçar, i cili kishte pështyrë një nga motorët e policisë bashkiake.
I riu, banor i Asti, ishte parë nga një prej policëve që ndodhej afër. Djali i cili më parë kishte pasur një mosmarrëveshje me efektivë të tjerë u përpoq të ikte, por u kap nga e njëjta patrullë dhe tani është akuzuar për rezistencë të policisë në publik.
