Dy persona janë arrestuar nga Policia e Tiranës pasi akuzohen për shpërndarje të lëndëve narkotike.
Policia njofton se në pranga kanë rënë A. Xh., 31 vjeç dhe O. L., 25 vjeç, të dy banues në Tiranë, ndërsa janë proceduar në gjendje të lirë dy persona të tjerë.
Dy të arrestuarit shpërndanin lëndë narkotike të llojit cannabis sativa dhe kokainë, të cilat i mbanin në një ambientet në pronësi të 31-vjeçarit.
Gjatë kontrollit Policia gjeti dhe sekuestori rreth 1.3 kg lëndë narkotike cannabis sativa dhe qese farmaceutike që shërbenin për të ndarë në doza lëndën narkotike. Gjithashtu, në banesën e 31-vjeçarit u gjet një pushkë sportive dhe fishekë metalik për pushkën.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale ”Prodhimi dhe shitja e narkotikëve”, e kryer në bashkëpunim, për shtetasit A. XH. dhe O. L. dhe për veprën penale “Prodhimi dhe mbajtja pa leje e armëve të gjuetisë dhe sportive”, në ngarkim të shtetasve S. XH. e Z. Xh. familjarë të shtetasit A. XH., të cilët po ndiqen penalisht në gjendje të lirë.
