Dy persona janë arrestuar dhe një tjetër është proceduar në gjendje të lirë në Sukth. Dy të arrestuarit akuzohen se kanë kanosur me armë zjarri një të mitur për motive të dobëta. Domeniko Ceni dhe Isuf Drenova, për motive banale kanë kanosur me armë shtetasin A.V, 17-vjeç. Gjithashtu edhe shtetasi A.N, 24 vjeç është akuzuar për moskallëzim krimi.
Policia sekuestroi gjithashtu edhe dy armë zjarri automatik.
Njoftimi
Kanosin një shtetas të mitur me armë zjarri. Ndalohen dy shtetas dhe procedohet në gjendje të lirë shoku i tyre për moskallëzim krimi.
Sekuestrohen 2 armë zjarri automatik.
Specialistët për Krimet në Komisariatin e Policisë Shijak, pas një pune të mirëorganizuar policore kanë finalizuar operacionin e koduar “Binari Hekurudhor”.
Janë ndaluar shtetasit:
- Domeniko Ceni 21 vjeç, banues në Sukth;
- Isuf Drenova 19 vjeç, banues në Sukth.
Është proceduar në gjendje të lirë shtetasi:
- A.N. 24 vjeç, banues në Sukth.
Shtetasi D.Ceni në bashkëpunim me shtetasin I. Drenova (i ndaluar më dt.30.09.2018), për motive të dobëta kanë kanosur me armë zjarri shtetasin A.V. 17 vjeç.
Në lidhje me këtë ngjarje u gjetën dhe sekuestruan në cilësinë e provave materiale 2 armë zjarri automatik model 56.
Shtetasi A.N. nga veprimet hetimore dyshohet se ka patur dijeni për ngjarjen dhe nuk e ka kallëzuar.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale ” Kanosja”dhe
” Prodhimi dhe mbajtja la leje e armëve luftarake” në bashkëpunim në ngarkim të shtetasve D.Ceni dhe I.Drenova dhe veprën penale “Moskallëzimi i krimit “në ngarkim të shtetasit A.N.
