Një 20-vjeçar nga Fushë-Kruja është arrestuar në Durrës pasi ishte shpallur në kërkim për falsifikim monedhash.
Policia njofton se ai ishte shpallur në kërkim pasi në bashkëpunim me një shtatas tjetër ka paguar dhe thyer disa kartëmonedha të dyshuara si të falsifikuara, në një “Fast Food” në Fushë Krujë.
Po në Durrës, janë arrestuar dy persona të cilët akuzohen për vjedhje. Më 8 qershor, në bashkëpunim me njëri-tjetrin, ata kanë vjedhur dy biçikleta.
Janë në flagrancë edhe dy shtetas të tjerë pasi nga kontrolli i policisë rezultuan se drejtonin automjetin në mënyrë të parregullt. Njëri prej tyre u konstatua nga shërbimet e Policisë, në rrugën dytësore Rrashbull-Shijak, duke drejtuar mjetin tip “Audi”, pa leje drejtimi dhe nën ndikimin e alkoolit.
Ndërsa një 42 vjeçar, banues në Durrës, duke drejtuar mjetin tip “Opel”, ka aksidentuar një këmbësore, e cila ndodhet në spital, nën kujdesin e mjekëve, jashtë rrezikut për jetën.
Materialet i kaluan Prokurorisë së Rrethit Gjyqësor Durrës, për veprat penale “Falsifikim i monedhave”, “Vjedhja” dhe “Drejtimi i automjeteve në mënyrë të parregullt”. /Opinion.al
