Tre anëtarë të nivelit më të lartë të familjes mbretërore në Arabinë Saudite janë arrestuar.
Lajmi u bë i ditur nga prestigjozia “New York Times”. Ajo raporton se në burg përfunduan ndër figurat më me ndikim të mbretërisë, si vëllai i vogël i mbretit Salman, Princi Ahmed bin Abdulaziz, ish-Princi i Kurorës, Mohamed bin Nayef dhe vëllai i tij, Princi Nawaf bin Nayef.
Sipas “New York Times”, edhe pse ende nuk ka detaje për arsyet e arrestimit, ato tregojnë vendosmërinë e princit të kurorës, Mohamed bin Salman, për të “eleminuar” pengesat e mundshme për mbretërimin e tij.
Kjo është një ngjarje e përsëritur pasi në vitin 2017, dhjetëra persona të rëndësishëm të familjes mbretërore, ministra dhe biznesmenë të fuqishëm, u arrestuan.
Mohamed bin Salman konsiderohet sundimtari “de fakto” i mbretërisë, pasi u emërua princ kurore nga babai i tij, në vitin 2016./Opinion.al
