Shërbimet e Policisë Rrugore, kanë arrestuar në flagrancë dy shtetas pasi u përpoqën ti korruptonin. Bëhet fjalë për personat:
-Besmir Huqi, 32 vjeç, banues në Durrës
– Frederik Ahmetsulaj, 26 vjeç, banues në Burrel –Mat.
Huqi, i cili drejtonte automjetit tip “Volksëagen”, është ndaluar nga Shërbimet e Policisë Rrugore, për tu nënshtruar testit të alkoolit, ku ka rezultuar në masën 0,61 mg/l. Pasi këtij shtetasi i është komunikuar masa e alkoolit të konstatuar, ka tentuar ti japë 50 euro punonjësit të Policisë, për ti’u shmangur masës administrative.
Ndërsa Ahmetsulaj në drejtim të automjetit tip “Opel”, nuk ka respektuar semaforin e kuq në rrugën “Dritan Hoxha”. Pasi këtij shtetasi i është komunikuar shkelja e konstatuar, ka tentuar ti japë 2000 lekë të reja punonjësit të Policisë, për ti’u shmangur masës administrative.
Materialet i’u kaluan Prokurorisë pranë Gjykatës së Rrethit Gjyqësor Tiranë, për veprën penale “Korrupsion aktiv ndaj personave që ushtrojnë funksione publike”, parashikuar nga Neni 244 i Kodit Penal.
