11 drejtues mjetesh janë arrestuar nga Policia gjatë 24 orëve të fundit, nga të cilët 7 për drejtim mjeti pa leje drejtimi dhe 4 për drejtim mjeti në gjendje të dehur.
Gjatë këtij harku kohor janë pezulluar 39 leje drejtimi, 22 për shpejtësi mbi normat e lejuara dhe 17 për drejtim mjeti nën efektin e alkoolit apo në gjendje të dehur.
Autoritetet kanë ndëshkuar me gjobë dhe 1762 drejtues mjetesh, për shkelje të rregullave të qarkullimit rrugor.
Policia iu drejtohet me një apel drejtuesve të mjeteve; “Mos shpejtoni, mos kryeni parakalime të gabuara, mos drejtoni mjetin nën efektin e alkoolit apo në gjendje të dehur, vendosni rripin e sigurimit dhe kaskën mbrojtëse, mos përdorini celularin gjatë drejtimit të automjetit, qëndroni në radhë kur lëvizja është e ngadaltë për shkak të fluksit të lartë të automjeteve, respektoni rregullat e qarkullimit rrugor”./ Opinion.al
