Drejtori i Kabinetit të Presidentit Meta, Arben Cici deklaron se takimi i sotëm i Presidentit dhe ambasadorit amerikan Donald Lu kishte në fokus çeshtjen e sigurisë dhe reformën në drejtesi.
“Presidenti i Republikës, Ilir Meta priti sot në një takim ambasadorin e SHBA-së në Shqipëri Donald LU me të cilin diskutuan mbi marrëdhëniet e shkëlqyera mes dy vendeve tona dhe mbi çështjet aktuale të sigurisë rajonale dhe ndërkombëtare.
Në kuadër të integrimit evropian të Shqipërisë, çështjes së rëndësishme të hapjes së negociatave u nënvizua rëndësia e ecurisë dhe implementimit të reformës në drejtësi dhe u shkëmbyen mendime rreth situatës aktuale në vend.
“Fryma e përzemërt, miqësore dhe bashkëpunuese karakterizoi, ashtu si gjithmonë, këtë takim”, tha drejtori i kabinetit të Metës.
Ambasadori Lu shkoi në zyrën e Metës, një dite pasi në media doli letra e ish-kryeprokurorit Adriatik Llalla për kongresin amerikan. Në letren e dërguar në 2017, Llalla pretendonte se z. Lu i kishte kërkuar arrestimin e Ilir Metës. Siç shihet në reagimin e drejtorit të kabinetit, nuk nuk thuhet asnjë fjalë nëse Meta dhe Lu kanë folur mbi këtë temë. Gjithsesi me kujdes, në njoftim thuhet se “takimi ishte i përzemert”.
