Kryeministri Edi Rama ka vijuar goditjet ndaj SPAK pas arrestimit të kryebashkiakut Erion Veliaj dhe shpalljes nën hetim të deputetes socialiste, Klotilda Bushka.
Duke marrë arrestimin e Veliajt si shembull që tregon se ai nuk e kontrollon drejtësinë, shprehu habi se si mund të ishte nën hetim nga SPAK edhe kryetarja e komisionit të ligjeve.
Në kuadër të kritikave të SPAK, Rama tha se shpreson që këto lëvizje të mos jenë shenja të nisjes së një republike prokurorësh.
Edi Rama: Kryetarja e Komisionit të ligjeve ka kërkuar të dëgjohet në Grupin Parlamentar, sepse e ka dëgjuar nga TV, jo nga prokurori. Nga gazetarë special që kanë dokumente që nuk i kanë as të akuzuarit që është person i dyshuar, kryetarja Komisionit të Ligjeve.
Që të jetë një person i dyshuar që e merr vesh nga TV që emrin është në aktakuzë dhe të mos jetë pyetur asnjëherë… çfarë është kjo? Këto nuk janë shenja aspak të mira dhe dua të shpresoj që janë shenja që nuk lidhen me simptomat e një sëmundje vetëkënaqësie. Kjo s’është republikë prokurorësh. Do ishte autogoli më i madh.
