Deputetja e Partisë së Lirisë, Monika Kryemadhi nga ambientet e jashtme të SPAK ka folur për arrestimin e kryebashkiakut, Erion Veliaj.
Sipas saj, arrestimi i kryebashkiakut Erion Veliaj ka ardhur si rezultat për të balancuar lëvizjet e njëanshme të SPAK-ut.
Kryemadhi thotë se po kërkohet të tregohet se nuk po sulmohet vetëm në anën e opozitës, por edhe në drejtim të qeverisë.
“Lëvizjet që kanë ndodhur në SHBA i japin një shanc të ri jo vetëm politikës shqiptare, jo vetëm opozitës, por edhe sistemit të drejtësisë. Mendoj që edhe rasti i fundit pra arrestimi i Erion Veliajt ka ardhur si një rezultat për të balancuar lëvizjet e njëanshme të SPAK-ut për të thënë që ne nuk e kemi vetëm në një anë, por e kemi edhe me anën tjetër”, u shpreh Kryemadhi.
