Ditën e sotme Sekretari i Përgjithshëm i Ministrisë së Financave, Arlind Gjokutaj është arrestuar, pasi akuzohet për shpërdorim detyre. Gazetari investigativ Artan Hoxha në një postim në rrjete sociale prezanton Sekretarin e Përgjithshëm duke dhënë detaje nga detyrat që Gjokutaj ka mbajtur.
Hoxha ka ironizuar arrestimin e tij duke cilësuar janarin e vitit 2023 si të “mbarë” duke paralajmëruar të tjera ngjarje.
Postimi i plotë:
Mbani frymen njerez…
Sapo u arrestua sekretari i pergjithshem i Ministrise se Financave, Arlind Gjokuta.
Policia e Shtetit ka ekzekutuar nje vendim te gjykates per zyrtarin e larte te Ministrise se Financave.
Gjokutaj akuzohet se eshte perfshire ne nje afere qe i ka shkaktuar shtetit nje dem prej 1.5 miliarde lekesh…
Arlind Gjokutaj, ka lindur në Gjirokastër në vitin 1981.
Është i martuar dhe ka dy fëmijë.
Ai ka kryer studimet për Administrim Biznesi në Universitetin “Bocconi” në Milano, si dhe ka përfunduar studimet master për Financë dhe Menaxhim Risku në Universitetin “Bicocca” në Milano. Është anëtar i Trupës së Nivelit të Lartë Drejtues (TND) që nga muaji janar 2016.
Gjokuta e ka nisur karrierën në sektorin publik si ekspert i çështjeve fiskale dhe monetare në Bankën e Shqipërisë. Më pas ka ushtruar disa detyra në administraten publike, si Koordinator i Posaçëm për ekonominë pranë Këshillit të Ministrave (2015-2017), Drejtor i Përgjithshëm i Drejtorisë së Parandalimit të Pastrimit të Parave(2017-2019), Drejtor i Përgjithshëm i Doganave (2019) dhe Drejtor i Përgjithshëm i Njësisë Speciale Antikorrupsion dhe Antievazion (2020-2021).
Në Tetor 2021, Gjokutaj u emërua Sekretar i Përgjithshëm në Ministrinë e Financave dhe të Ekonomisë.
Mesa duket muaji janar 2023, ka nisur me kembe te mbare dhe plote “bereqet”…
Me duket se nuk kemi pare gje akoma…./Opinion.al
