Sekretari për Çeshtjet Ligjore dhe Zgjedhore të PD, Ivi Kaso thotë se SPAK bëri show me arrestimin në Rinas të Jamarbër Malltezi, dhëndri i ish-kryeministrit Sali Berisha.
Në emisionin “Opinion”, Kaso tha se Malltezi mund të ishte thirrë nga SPAK dhe do të shkonte të përballej me drejtësinë.
Ndër të tjera Kaso u shpreh se Berisha nuk i është larguar asnjëherë përballjes me drejtësinë pasi ai ka qenë iniciator i heqjes së imuniteteve për deputetët.
“Elementi kryesor në atë materialin e SPAK-ut që i ka çuar gjykatës përse e kanë arrestuar në flagrancë Jamarbër Malltezin është se ekzistonte rreziku i ikjes. Ju ka dalur telefoni i fikur, këto janë budallallëqe. Ditën e Premte pasdite ka qenë në Selinë e Partisë Demokratike. E ka parë gjysma e Tiranës. Ka një praktikë të shëmtuar SPAK-u. Nuk i thërrasin me qëllim sepse duan të bëjnë show, sepse duan të shkruajnë atë që ekziston rreziku i ikjes. E dyta, Sali Berisha nuk i ka ikur kurrë përballjes. Në 2012 ka qenë iniciator i heqjes së imuniteteve. Nëse shikoni që imuniteti tani ka ngelur vetëm për arrestimin dhe kontrollin e banesës për deputetin më parë deputeti as nuk mund të hetohej dhe kjo është hequr me kërkesë të qeverisë së Berishës. Ka një vit që Berisha ka marr një nisëm për heqjen e parashkrimit për zyrtarët e lartë. Është një artificë sepse është një çështje që nëse i hiqet emri i Sali Berishës… Favori që ju është bërë me kthimin e truallit e paska bërë Edi Rama.”
Ndërkohë i pyetur nëse a ka përfituar Malltezi duke qenë dhëndri i Sali Berishës Kaso shprehet: Po siç mund të kenë përfituar një million shqiptarë që kanë pasur prona. Dëgjova që një kolegu juaj me ironi thoshte se, Sali Berisha duhet të shpallet fajtor pse familja e tij lëvizi pa viza sepse Sali Berisha liberalizoi vizat për të gjithë shqiptarët.
