Pas arrestimit të ish-zv.ministrit Albert Gajo për zjarrvënie në Leskovik, të tjera detaje kanë dalë në pah.
Byro Rusi, fqinji që denoncoi ish-zv.ministrin Albert Gajo për djegien e 2.5 hektarëve me vreshta ka sqaruar se si ka ndodhur ngjarja.
Ai tha se Gajo është bashkëpronar në këto vreshta dhe se ditën e djeshme ka hedhur shashka për të trembur zogjtë që mos të hanin rrushin dhe në këtë mënyrë i ka vënë zjarrin vreshtave dhe një sipërfaqeje tjetër me shkurre e barishte, duke shkaktuar dëme.
“Historia është pak e gjatë. Dje zotëria në fjalë, ka shkuar në vreshtin që është pronë e përbashkët e disa bashkëpronarëve dhe ka hedhur shashka për të trembur zogjtë që mos të hanë rrushin. Me këto shashka ka vënë flakën. Ka dalë jashtë kontrollit, ka marrë flakë vreshti, ka marrë flakë pylli që është afër. Dëme pafund”, tha fqinji për neës 24.
Më tej ai ka thënë së roja dhe barinjtë kanë pikasur z. Gajo.
“Është roja që z. Gajo ka vënë dhe nja dy barinj të zonës. Policia u mbështet tek ata. Është një vend shumë i izoluar ku nuk ka njerëz të tjerë. Janë djegur rreth 2.5 hektarë vetëm vresht dhe pjesa e pyllit mbi 1 hektarë. Marr shkas të falënderoj zjarrfikësit”, tha z.Rusi./Opinion.al
