Avokati i Popullit ka nisur hetim administrativ për procedurat e ndjekura gjatë arrestimit të Ilir Metës.
Mësohet se Avokati i Popullit i ka dërguar një shkresë Policisë së Shtetit, në lidhje me arrestimin e kryer pak ditë më parë të ish-presidentit të vendit.
Kujtojmë se Meta u arrestua më 21 tetor, teksa po kthehej nga Kosova. Ai u ndalua nga forcat e policisë civile ndërsa ndodhej në mjet bashkë me sekretarin organizativ të PL.
Aktualisht, Meta ndodhet në qelitë e paraburgimit të burgut 313 në Tiranë, ndërsa dyshohet sipas SPAK për disa vepra penale, korrupsion, pastrim parash dhe fshehje pasurie.
Të njëjtat akuza janë ngritur edhe ndaj ish-bashkëshortes së tij, Monika Kryemadhi, ndaj të cilit është caktuar masa e sigurisë së detyrimit të paraqitjes.
