Ministri i Brendshëm, Taulant Balla ka reaguar lidhur me arrestimin e dy policëve të Komisariatit të Rinasit.
Përmes një postimi në rrjete sociale, Balla shkruan se vijon procesi i vetëpastrimit në Policinë e Shtetit.
Ai thotë se arrestimet e fundit të policëve çojnë në 14 rastet e goditura në 2 javët e fundit nga radhët policore.
“Forcimi i bashkëpunimit mes agjencive ligjzbatuese në këtë drejtim është kritik, rritja e besimit dhe bashkëpunimi me qytetarët është busulla jonë orientuese për një Shqipëri më të sigurtë dhe të qetë falë punës dhe përkushtimit të gardianëve të ndershëm dhe profesionistë të zbatimit të ligjit”, shkruan ministri.
Kujtojmë se punonjësit e policisë së Komisariatit Rinas, Ardit Doçi dhe Endri Beramaj i morën para një udhëtareje që po dilte nga Shqipëria.
