Aktualitet

Arrestimi i autorëve të vrasjes së Sofisë, Veliu vlerëson punën e policisë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:56 - 16/03/21 |
Opi Nion

Kreu i Policisë së Shtetit, Ardi Veliu,ka  reaguar pas zbardhjes së vrasjes së biznesmenit Behar Sofia.

Veliu nëpëmjet një takimi ka falënderon të gjitha strukturat policore për punën që kanë kryer, e cila çoi në finalizimin e operacionit policor “Piramida”.

Kujtojmë që si rezultat i këtij operacioni u vu në pranga një grup kriminal vrasësish me pagesë.

“E ndjej detyrim moral, por edhe përgjegjësi, që si Drejtor i Përgjithshëm i Policisë së Shtetit t’ju falënderoj dhe t’ju inkurajoj për punën e jashtëzakonshme profesionale, por edhe angazhimin fizik, pasi për 15 ditë rresht të gjithë ju keni punuar minimalisht 16 deri në 20 orë në ditë. Puna në grup, koordinimi i veprimeve, shkëmbimi i informacioneve dhe besueshmëria mes strukturave ka funksionuar maksimalisht, duke çuar në rezultatin final zbardhjen e ngjarjes, identifikimin, lokalizimin dhe kapjen e 4 vrasësve me pagesë.”– është shprehur në fjalën e tij Ardi Veliu.

Ardi Veli ka nxitur kështu edhe të gjitha strukturat e policisë për të ndjekur modele të tilla bashkëpunimi në zgjedhje të çështjeve të ndryshme. Ndërkohë që ai ka falënderuar edhe kolegët në Malin e Zi për gatishmërinë dhe bashkëpunimin që kanë kryer sëbashku.

“Nëpërmjet jush, duke marrë si pikë referimi të gjithë elementët e funksionimit gjatë punës voluminoze 15-ditore, dua të inkurajoj të gjithë strukturat e Policisë së Shtetit që modele të tilla bashkëpunimi, koordinimi e profesionalizmi të jenë sa më shumë, pasi zbardhja e çdo ngjarjeje kriminale, së pari çon në parandalimin e ngjarjeve të tjera dhe së dyti rrit besimin e qytetarëve te Policia, që është shumë i nevojshëm në përmbushjen sa më mirë të detyrave funksionale gjatë punës sonë.

Njëkohësisht, i kam përcjellë kolegëve të Malit të Zi, falënderimet më të sinqerta, pasi në rast se nuk do të kishim gjetur gatishmërinë dhe dashamirësinë e kolegëve tanë në Malin e Zi, nuk do të kishim bërë dot të mundur kapjen e autorit kryesor të ngjarjes, i cili fshihej në Malin e Zi. Shkëmbimi i informacionit mes nesh dhe Policisë malazeze, angazhimi serioz i tyre bëri të mundur që edhe kjo fazë e operacionit të përmbyllej me sukses”, përfundon ai./Opinion.al

Pas