Një ditë më parë policia arrestoi Roland Kryemadhin në Kamzë, pasi kërcënoi policinë me armë zjarri. Ndërkohë, ka folur gruaja e të arrestuarit, Besarie Kryemadhi, e cila i ka dalë në mbrojtje bashkëshortit të saj duke deklaruar se ai nuk është ekstremist.
Besarie Kryemadhi ka rrëfyer me detaje në lidhje me ngjarjen e djeshme kur policia kishte shkuar për ta arrestuar burrin e saj. E pyetur se përse nuk i çojnë fëmijët në shkollë, gruaja tha se ata nuk duan shkojnë dhe se i arsimojnë vetë në shtëpi.
“Burri im është njeri i ndershëm punon duke rregulluar biçikleta. I është dorëzuar Allahut por nuk është ekstremist. Kemi 2 vite që merremi në komisariat e gjykata për çështjen e fëmijëve”, ka thënë ajo për gazetaren Dorjana Bezat. Burri ishte me arrest shtëpie. Policia e gjeti jashtë dhe e arrestoi, e shtriu në tokë. Ai u iku nga duart dhe u fut brenda. Pastaj erdhi RENEA. Policia gënjen kur thotë se ka pasur kallashnikov. Unë nuk di që burri im të ketë pasur armë. Në momentin e ngjarjes kam qenë duke punuar në makinë qepëse që kam në shtëpi. Fëmijët nuk duan vetë të shkojnë në shkollë dhe ne si kujdestarë të tyre e kemi lejuar. Fëmijët qajnë po t’u thuash shkoni në shkolle sepse aty ka gjëra të këqija. Përdoren fjalë të pista. Ne i arsimojmë vetë fëmijët. U kemi mësuar shqip dhe arabisht të shkruajnë e lexojnë”,-deklaroi ajo./ Opinion.al
