Kryeminisri i vendit ka dalë ditën e sotme në një konferencë për mediat, teksa ka folur dhe për arrestimet e kryera ditën e djeshme në spitalin “Shefqet Ndroqi”.
Sipas Kryeministit një hap i tillë është i rëndësishëm, e një luftë e madhe e cila vazhdon për të ndërprerë zinxhirin e korrupsionit.
Ndër të tjera Kryeministri e ka konsideruar arrestimin e 3 infermiereve dhe të 1 sanitareje si një lajm të mirë, teksa ka falënderuar emisionet investigative për punën e bërë.
“Lajmi shumë i mirë i prangosjes edhe të katër xhakaidurëve të tjerë në kuadrin e hetimeve të thelluara që nisën pas denoncimit publik të një zonje, qytetareje, lajm shumë i mirë sepse është një mesazh shumë i qartë në radhë të parë për qytetarët, të cilët nuk duhet të ngurrojnë të denoncojnë në cdo drejtim që e shohin të arsyeshme, përfshirë edhe mediat investigative.
Një rast skandaloz e kaq domethënës, është një mesazh i qartë për të gjithë atë pjesë të trupës së bluzave të bardha që për fat të mirë është një pakicë e vogël, por e mjaftueshme për të ndotur imazhin, pastërtinë e bluzave të bardha, rrugën e transformimit jo vetëm të kushteve të tyre por edhe të performancës që vazhdon.
Një mesazh i qartë edhe për të ardhmen, pasi unë besoj që kura afatgjatë dhe e suksesshme për të adresuar plagën kanceroze të ryshfetit në sistemin shëndetësor është thellimi i reformës së sistemit”./Opinion.al
