Kryetari i Partisë Demokratike, Sali Berisha në mbledhjen me grupin parlamentar të PD-së ditën e sotme foli lidhur me arrestimet e SPAK për inceneratorin e Fierit.
Berisha tha se me këto, kreu i qeverisë Edi Rama synon të mbyllë historinë e djegësve duke arrestuar sipas tij cironkat, punonjësit e ndërmarrjes së tij.
“Nga një anë mbyll me shpejtësinë historinë e djegësve duke arrestuar cironkat, punonjësit e ndërmarrjes së tij. Ndërmarrja dihet që është e qeveritarëve. Nga ana tjetër vrapon rrufeshëm për të plaçkitur. Shqipëria nuk ka asnjë pasuri publike të çmuar sa porti i Durrësit. Është pasuria numër 1 e kombit shqiptar. Kaskadën po e nxore në treg nuk ka vlerën as gjysmën e portit të Durrësit. Aeroportin po e nxore në treg nuk ka vlerën as ¼ e portit të Durrësit që është pasuria më e madhe publike. Në këtë port janë investuar qindra milionë euro dollarë. Vetëm së fundmi janë investuar mbi 70 milionë euro kredi nga banka europiane e investimeve dhe e zhvillimit”, tha Berisha./Opinion.al
