Presidenti Meta ka reaguar pas arrestimit të komisionierëve të akuzuar për shitblerjen e votave, pjesë të dosjes së famshme 339.
Teksa ndau një lajm nga Reporter.Al, ku mes tjerash thuhej se vërtetë Partia Socialiste fitoi zgjedhjet parlamentare të vitit 2017 me një rezultat historik, duke marrë 48% të votave në rang kombëtar, por një pjesë e këtij rezultati duket se ka ardhur nga manipulime votash në shkallë të gjerë.
Kreu i shtetit shkruan se ka ardhur koha për t’i dhënë fund njëherë e përgjithmonë manipulimit të zgjedhjeve dhe blerjes së votave.
“Koha për t’i dhënë fund njëherë e përgjithmonë manipulimit të zgjedhjeve dhe blerjes së votave!
Ndëshkim maksimal për të gjithë manipuluesit dhe falsifikatorët e zgjedhjeve!
Ndëshkim maksimal do të ketë për të gjithë punonjësit e shtetit që keqpërdorin detyrën për presione, shantazhe dhe krime zgjedhore!”, shkruan Meta krahas lajmit.
