Ish-ministri i Drejtësisë është i pari që reagon pas ndryshimit të masës së sigurisë për zyrtarët e Lezhës. Vetëm pak minuta më parë, gjykata ndryshoi masën e sigurisë nga “arrest me burg” në “arrest shtëpie” për kryebashkiakun Fran Frrokaj, kreun e qarkut Lezhë, Gjok Ndoka dhe gjithë zyrtarët e tjerë të dosjes “Rana e hedhun”. Ylli Manjani tha se këto arrestime u bënë vetëm për show sepse sipas tij drejtësinë e kanë në dorë pushteti. Ndërsa ngre pyetje thelbësore: se kush i ka kryer këto hetime, a ka prova apo thjesht dyshime?!
Statusi i plotë i Manjanit në facebook
Ja dhe pasoja e farsës së arrestimeve për shoë dhe terror politik!
Nga izolimi në polici, përfundojnë në shtëpi!
Kështu ndodh gjithmonë kur drejtësinë e ka në dorë policia dhe pushteti!
Kështu ndodh kur Policia të telendis në publik dhe bën edhe punën e Prokurorit!
Se si mund të hetojë policia Shpërdorimin e Detyrës, një dreq e di!
Por, unë dua të di:
-Ku është Prokuroria e Republikës?
-Kush po heton?
– A ka akuzë të ngritur me prova apo thjesht dyshime?
-Pse ky dështim spektakolar, në vetëm 48 orë?!
-Pse nuk ndiqen penalisht ata zyrtarë që paskan hequr lirinë qoftë dhe për 48 orë?
– Përse nuk sekuestrohet toka objekt hetimi?
– Përse nuk sekuestrohen dokumentat zyrtarë?
Boll me shoë policësh!
Kushtetuta ngarkon me përgjegjësi PROKURORINË!
