Në Kosovë janë arrestuar dy persona për përhapje të ideologjisë dhe propagandës terroriste në rrjetet sociale. Siç raportohet nga mediat vendase, aksioni i policisë është kryer në Fushë Kosovë dhe Malishevë
“Operacioni policor ka përfshirë dy raste të ndara, që kanë rezultuar me tri kontrolle të vendbanimeve në Fushë Kosovë dhe Malishevë, si dhe dy arrestime të personave të dyshuar, mbi dyshimin e bazuar për përfshirje në ‘nxitja e përçarjes dhe mosdurimit’ dhe shpërndarje e propagandës dhe ideologjisë për organizata terroriste, duke përdorur rrjetet sociale”, njoftoi Policia e Kosovës.
Rasti në fjalë është hetuar nga Drejtoria Kundër Terrorizmit në koordinim me prokurorët e Prokurorisë Speciale të Kosovës.
