Dita e tretë e Operacionit të Policisë së Shtetit kundër kultivimit dhe trafikut të narkotikëve, shënohet sot me 40 të arrestuar.
Operacioni i Policisë ka nisur me 28 gusht, ku janë përfshirë 1140 forca policore, 10 mjete lundruese, 30 automjete dhe një helikopter i Policisë së Shtetit.
Në operacion janë përfshirë edhe strukturat vendore të policisë në Shkodër, Tiranë e Fier si dhe Forcat Speciale të Policisë.
Gjatë operacionit është sekuestruar rreth 1 tonë lëndë narkotike dhe 102 kilogram kokainë.
Gjuetia për drogën vuri në pranga 32 persona që ishin shpallur në kërkim dhe gjithashtu u vunë në pranga edhe tre ‘të rinj’.
Operacioni mbaron sot në mbrëmje dhe pritet të shpallet bilanci më i saktë i tij.
Para dy ditesh kryeministri Rama ka paralajmeruar stuhi mbi kriminelët, ku ka renditur edhe këta të drogës. Ai ka paralajmëruar sekuestrimin e pasurisë së tyre.
