Gazetarja Anduena Llabani duke folur për çështjen e inceneratorëve dhe hetimin e SPAK tha në emisionin “Opinion” se këtë javë priten masa sigurimi apo deklarime të personave me përgjegjësi penale lidhur me këtë çështje.
“Besoj që ketë javë do dëgjojmë të dhëna të reja në lidhje me masa sigurimi ose persona të ngarkuar me përgjegjësi penale”, tha Llabani.
Lidhur me hetimin e deritanishëm nga Prokuroria Speciale Llabani tha: “Në të gjitha dëshmitë që janë dhënë prokurorët kanë qenë të kujdesshëm për të marr jo vetëm informacion lidhur me procedurat e tenderimit, po edhe kush kanë qenë personat që duhej të bënin një kontroll mbi veprimtarinë e këtyre kompanive”.
Nga ana tjetër, Llabani pohoi se Klodian Zoto dhe Stela Gugallja nuk janë shpallur në kërkim ndërkombëtar, fakt për të cilin ajo shprehu habi./Opinion.al
