Sot kanë dalë para Gjykatës së Lezhës Armel Nikdukaj dhe Elvis Shpellazi, të cilët u kapën disa ditë më parë në Kashnjet të Lezhës për kultivim të lëndëve narkotike.
Ata u lanë në burg, ndërsa Gjykata e Lezhës vendosi detyrim paraqitje për Armando Ndrecën, vëllai i deputetit socialist Eduart Ndreca.
Gjykata e ka cilësuar si të paligjshëm ndalimin e tij nga policia.
Në këtë konkluzion ka dalë gjykata e Lezhës, e cila vendosi masën e sigurisë detyrim paraqitje, kërkesë që është bërë në seancë dhe nga prokuroria Irena Sufi.
Për Armando Ndrecën nuk ka prova që është përfshirë në këtë veprimtari kriminale, ndërsa për dy personat e tjerë që u gjetën në stan u vendos masa “arrest në burg”.
