Gjykata e Vlorës ka venduar masën e sigurisë “arrest me burg” për katër ushtarakët e arrestuar, për vjedhjen e bazës ushtarake në Pashaliman.
Dy rojet dhe 2 përgjegjësit e turnit janë lënë sot nga gjykata në burg pa afat me akuzën e shpërdorimit të detyrës.
Ushtarakët që janë arrestuar për ngjarjen, konkretisht janë; Lesko Ramosaçaj 52 vjeç e Edlir Nelaj 42 vjeç përgjegjës, Ervis Memsulaj 23 vjeç dhe Ardit Ramaj 25 vjeç.
Mungesa e armëve u vërejt gjatë inventarit rutinë që bëhet në bazën ushtarake. Të enjten e kaluar roja nuk ishte në vendin e qëndrimit që ishte përcaktuar, ndërsa ka deklaruar se u largua për shkak të shiut dhe erës së fortë.
Ende nuk dihet se kush janë autorët e vjedhjes së pashembullt në bazën ushtarake të Pashalimanit në Vlorë.
