Gjykata ka vendosur masën e sigurisë “arrest me burg”, për Nuredin Dumanin. Mësohet se masa e sigurisë i është komunikuar Dumanit në spital. Ka qenë gjyqtarja dhe Prokurori i SPAK, Altin Dumani, që kanë qënë të pranishëm në Spitalin e Traumës në Tiranë ku dhe i kanë komunikuar Dumanit masën e arrestit.
Nuredin Dumani, një prej të shumëkërkuarve në Shqipëri është vënë në pranga mbrëmjen e 29 Marsit. Ai u gjet në një apartament në Fier ku po merrte ndihmë mjekësore, pasi më parë dyshohet se ishte e plagosur gjatë një ngjarje që ka ndodhur po atë ditë në aksin rrugor Elbasan-Cerrik, në afërsi të fshatit Papër.
Pas arrestimit, Dumani është dërguar në Spitalin e Traumës në Tiranë ku mësohet se është në gjendje të stabilizuar shëndetësore.
SPAK e ka marrë të pandehur Nuredin Dumanin për vrasjet në Durrës në Mars dhe Prill të vitit 2020 në Durrës, ku viktimë mbetën vëllezërit Viktor dhe Besmir Haxhia si dhe Dorjan Shkoza e Anxhelo Avdyli. Dyshohet se këto krime, Dumani i ka kryer në bashkëpunim me Talo Çelën, një tjetër i shumëkërkuar në Shqipëri.
SPAK e akuzon Dumanin për vrasje në rrethana të tjera cilësuese ndaj dy ose më shumë personave më shumë se një herë, armëmbajtje pa leje, sigurim i kushteve dhe mjeteve materiale për të kryer vrasje, mashtrim dhe vjedhje të kryer në bashkëpunim.
