22-vjeçari Bjorni Shushari, ka dalë sot para gjykatës për tu njohur me masën e sigurisë pasi rrahu për vdekje 52-vjeçarin Lefter Brisku, të cilin Shushari e kapi duke vjedhur pula. Mësohet se trupi gjykues ka dhënë masën e arrestit me burg për të riun.
Kjo grabitje ka ndodhur në datën 28 shkurt në orët e para të mëngjesit në lagjen “11 Janari” në Kuçove. 52-vjeçari Brisku, i njohur ndryshe edhe me emrin Krenar Brisku, hyri për të vjedhur pula në banesën e familjes Shushari, ku u kap nga familjarët dhe u dhunua brutalisht.
Brisku u dërgua menjëherë në spital në gjendje kome, për shkak të goditjeve të shumta që kishte marrë në kokë. Ai qëndroi 7-ditë në Spitalin e Traumës, ku sipas familjarëve mësohet se nuk ka reaguar asnjë moment, e më pas ndërroi jetë. /Opinion.al
