Autoritetet italiane po vijonë kërkimet për të kapur 27-vjeçarin shqiptar Kristjan Mëhillin, i cili u arratis nga burgu i Vercellit, natën e ndërrimit të viteve.
Mediat italiane citojnë Sekretarin e Përgjithshëm të Sindikatës së Policisë së Burgjeve të Sapës, Donato Capece, i cili thotë se arratisja e tij ishte paralajmëruar.
‘Prej disa kohësh siguria e brendshme e burgjeve është asgjësuar nga masa, si survejimi dinamik dhe regjimi i hapur, largimi i rojeve të Policisë së Burgjeve nga muret e burgut, mungesa e stafit të policëve të burgjeve,mungesa e fondeve për shërbinme të ndryshme, të cilat bënë që të ndodhte kjo arratisje’- tha ai.
27- vjeçari ishte arrestuar nga policia në vitin 2019 pasi ishte pjesë e bandës ‘Ice Eyes’, akuzuar për një sërë grabitjesh të vilave në territorin Piemontez në Itali. Ai u arratis nga burgu në Vercelli, në Veri të Italisë së bashku me një të burgosur tjetër po me origjinë shqiptare, duke sharruar hekurat e qelisë për të zbritur më pas e çarçafët e përdorur si litar.
Të dy të burgosurit mundën të zbresin nga kati i katërt i qelisë në murin e brendshëm të burgut ku janë nga persona të jashtëm. Mëhilli ka arritur të largohet, ndërsa personi tjetër është rrëzuar dhe ka thyer krahun duke bërë që për këtë arsye të ndalohet nga rojet e burgut./Opinion.al
