TIRANË- Një i ri arriti të arratisej nga Rinasi edhe pse kërkohej për një sërë vepraash penale përfshirë tentativë vrasjeve. Në fillim policia tha se nuk kishim dijeni se Franca do ta deportonte Arnolt Canametin dhe policët u gjetën në befasi. Ndërsa tani pas 3 ditësh thotë se policët e Rinasit po hetohen për rryshfet. Pra dyshohet se e kanë vetë të ikte.
Burime nga policia bëjnë me dije se nga hetimet e kryera për arratisjen e Arnolt Canametit teksa deportohej nga Franca, dyshohet se dy përkrahësit e tij tashmë të arrestuar t’i kenë dhënë një shumë parash njërit prej policëve në Komisariatin e Rinasit.
Murat Hysa, 50 vjeç dhe Ylber Ndoi, 29 vjeç, dy të arrestuarit për përkrahjen e 20vjeçarit që të arratisej dyshohen të kenë bërë ndërhyrje tek policët e turnit ditën e deportimit të shokut të tyre. Për ta bërë sa më të lehtë që i riu t’i shpëtonte prangave të policisë, ata dyshohet të kenë korruptuar punonjësit e policisë që të lejonte Canametin të arratisej nga aeroporti.
